Bhí Roinn an Chultúir Shinn Féin páirteach i gcainteanna le ionadaithe polaitíochta agus gníomhaígh ó Brittany ar na mallaibh i gCnoc an Anfa, Béal Feirste. Páirteach sa díospóireacht fhadréimseach bhí Barry McElduff MLA, Francie Brolly MLA, Séanna Walsh ar son Roinn an Chultúir, Daniel Creoff, leas-Uachtarán, Comhairle Chontae Finistére agus Roger Faligot, scríbhneoir cúise. Dúirt Séanna Walsh go raibh sé tábhachtach cearta Gaeilgeoirí a chosaint tríd reactaíocht chuí agus go raibh sé tábhachtach tacaíocht fhorleathan a fháil ó ghrúpaí éagsúla fud an domhain chun an aidhm seo a bhaint amach.
