Ó Phríosúin go Pobal – Forbairt na Gaeilge pléite i mBéal Feirste

BHÍ FORBAIRT na Gaeilge sna 1970í agus 1980í á plé i mBéal Feirste le déanaí – faoin téama ‘Ó Phríosúin go Pobal’.

● Séanna Walsh

Ba é an Seanadóir Niall Ó Donnghaile a stiúir an comhrá mar fhear an tí agus iar-chimí Pilib Ó Ruanaí agus Séanna Walsh, chomh maith le iar-fheisire den Pharlaimint Eorpach, Bairbre de Brún ina chuideachta.

● Bairbre de Brún

Dúirt Ó Donnghaile:

“Agus muid ag comóradh 35 bliain ó bhí am na stailceanna ocrais ann, ba deas go raibh an seans againn éisteacht leis na cainteoirí ar fad agus a dtaithí féin a chluinstin.

“Is léir gur tábhachtach an tionchar a bhí ag an Ghaeilge ar na cimí, agus chomh tábhachtach céanna an tionchar a bhí ag na cimí ar an phobal nuair a scaoileadh saor iad.

“Gabhaim mo bhuíochas le Pilib, le Séanna agus le Bairbre as bheith páirteach san imeacht.”

● Pilib Ó Ruanaí