New side advert

12 January 2014 Edition

Resize: A A A Print

Cá bhfuil Gluaiseacht na Gaeilge agus an Teanga faoi Ionsaí?

• Mairtín Ó Cadhain – Irish Above Politics

IS SCANNAL DÁMANTA é go raibh ar an gCoimisinéir Teanga, Seán Ó Cuirreáin, éirí as i bhfianaise fhaillí an rialtais i dtaobh na Gaeilge, sé sin an chaoi gur cuma leis an stát cearta lucht labhartha na Gaeilge fiú chómh fada is a bhaineann siad lena ndlithe féin nó le Bunreacht an stáit.

Fear díograiseach is ea an Cuirreánach, agus fair play dhó nach raibh sé sásta fanachht ina thost nuair a bhí an rialtas agus polaiteóirí Thigh Laighean ag déanamh neamhaird  dá seasamh oifigiúil féin.

Ach ní leór an stát a cháineadh mar gheall ar an scéal seo, nó an Cuirreánach a mholadh.  Ní leór eagrafhocal tacaíochta san Irish Times ach an oiread, cé go mba mhaith an rud é sin.

Sí an cheist ná céard a dhéanfaidh lucht labhartha na Gaeilge faoi?

Caoga bliain ó shoin chuir an réabhlóidí Mairtín Ó Cadhain an cheist chéanna rómhainn sa bpaimfléad Irish Above Politics.  Thug sé faoi ndear an chaoi go raibh na páirtithe go léir ag an am sásta an cupla focal a rá, tacaíocht bhéil a thabhairt don teanga is leanacht ar aghaidh ag déanamh neamhaird de mheath na teangan.

Mhol an Cadhnach gur chóir do lucht labhartha na Gaeilge a spéis sa teanga a chur sa túsáit ó thaobh vótála dhe. Ábhar polaitiúil a dhéanamh den teanga sa gcaoi nach mbeadh na páirtithe in ann neamhaird a dhéanamh di.

Agus má bhreathnaíonn muid ar an Dail inniu, is é Sinn Féin an t-aon pháirtí a chuireanns leas na teanga chun cinn: is cuma le Aire Oideachais ó Pháirtí an Lucht Oibre an bhfuil gaelscolaíochta ar fáil, mar shampla; is cuma le Aire Gaeltachta  ó Fhine Gael nach féidir le lucht labhartha na Gaeilge a gcearta a fháil ón stát; agus is cuma le Fianna Fáil go bhfuil a strfaitéis fiche Bliain féin ligthe i ndearmad.

Agus cá bhfuil gluaiseacht na Gaeilge sa scéal seo?  An bhfuil gluaiseacht ann?

Gluaiseacht ar strae a thug an Cadhnach air, ach an fhaid is a bhíonn muide, lucht labhartha na Gaeilge, sásta tada a dhéanamh ach cáineadh go ciúin eadrainn féin ní thabharfar aon aird orainn.

Tá gá go dtiocfadh lucht na Gaeilge le chéile, ag tabhairt tacaíocht do pháirtithe is polaiteóirí a thugann tacaíocht duinn, ach ag cinntiú go mbeidh ár leas polaitiúil sa túsáit againn.

An féidir linn Irish a chur above politics
GUE-NGL-new-Jan-2106

An Phoblacht
44 Parnell Sq.
Dublin 1
Ireland
 

Powered by Phoenix Media Group